A place where you need to follow for what happening in world cup

Балалар қауіпсіздігі басты назарда

0 112

Облыста балалар қауіпсіздігінің өзекті мәселелерін зерделеу жұмыстарымен өңір басшысының бастамасымен құрылған арнайы жұмыс тобы айналасады. Өз құзіреті шеңберінде топ мүшелері өңірдегі білім беру ұйымдарындағы тәрбие мәселесіне терең талдау жасап, оны шешуге қатысты ұсыныстар әзірлейді. Бұл бастама облыс әкімі Асқар Мырзахметовтің төрағалық етуімен өткен бала қауіпсіздігін сақтау мәселелері туралы жиында айтылды, — деп хабарлайды «tugyr.kz» Ақпараттық Агенттігі.

Өңір басшысы саладағы мәселелердің алдын алу жұмыстарына кешенді түрде кірісу қажеттігін атап өтті. Ал көрсеткіштерге тоқталған полиция департаментінің бастығы Арман Оразалиев мәселенің өзектілігіне тоқталды.

Басқосуда қоғамдық ұйымдардың жетекшілері де сөз сөйлеп, бала құқығын қорғаудағы ұрпақтар сабақтастығы, мүдделі мекемелердің ашықтығы, қоғамдағы отбасы институтының рөлін нығайту мәселелерін де көтерді. Сондай-ақ бала құқығын қорғау мақсатында арнайы cool-орталық қызметін жолға қою, педагогикалық қызметке ер мұғалімдерді көптеп тарту жайы да сөз болды.

Өз кезегінде Асқар Исабекұлы бұл жұмыстарға ардагерлер кеңесі сынды қоғамдық ұйымдардың мүшелерін көптеп тарту тәжірибесін енгізу қажеттігіне назар аударды.

Күн тәртібіне қойылған мәселенің өзектілігін ескерген облыс әкімі Асқар Мырзахметов арнайы жұмыс тобын құруды тапсырды. Топ мүшелері тәрбие мәселесіне жетік қоғам белсенділері мен жауапты тұлғалардан құралады. Олар межелі мерзім ішінде облыстағы барлық мектептердегі тәрбиелеу ісіне жан жақты зерделеу жұмыстарын жүргізіп, ұсыныстарын әзірлейді. Келесі отырыста алдағы уақытта атқарылатын жұмыстың бағыт-бағдары айқындалмақ.

жауап қалдырыңыз

Your email address will not be published.