Жуырда Мойынқұм ауданы әкімінің орынбасары Амангелді Нәметқұловтың төрағалық етуімен аудандық пробация қызметінің есебінде тұрған сотталғандардың әлеуметтік-тұрмыстық жағдайы, оларға көрсетіліп жатқан көмек түрлерін талқылау және құқық бұзушылықтың алдын алу бойынша кезекті консультациялық-кеңесші органының отырысы өтті.
Басқосуда аудандық пробация қызметінің ағымдағы жылдың ІІ тоқсанында атқарылған жұмыстары баяндалып, шешімін таппай жатқан мәселелер назарға алынды. Атап айтқанда, пробация қызметіне қажет биометриялық есепке алу құрылғысына қол жеткізудің мүмкіндігі сөз болды.
Жиын соңында консультациялық-кеңесші органының төрағасы Амангелді Нәметқұлұлы аталған органның мүшелеріне пробация есебіндегі сотталғандарды тұрақты жұмыспен қамтып, оларға әлеуметтік көмек түрлерін көрсету үшін нақты тапсырмалар берді.
Нұрсұлтан Каипов,
Мойынқұм аудандық пробация қызметінің аға инспекторы әділет капитаны
