Тараз қаласындағы жалпы білім беретін мекемелерде «Алаңдағы тоғызқұмалақтан» шеберлік сағаттарын өткізу іс-шарасы бастау алды.
Алғашқы шеберлік сағаты Тараз қаласы әкімдігінің білім бөліміне қарасты №3 мектеп-лицейінде өткізіліп, оған 4-7-сынып аралығындағы барлығы 148 мектеп оқушысы қамтылды.
Іс-шараны «Алаңдағы тоғызқұмалақ» бұқаралық командалық ұлттық ойынының авторы Асқар Орынбекұлы өткізді.
Шеберлік сағаты барысында аталған спорт түрінің жалпы ережесі мен әдіс-тәсілдері кеңінен таныстырылып, оқушылар арасында ойын ұйымдастырылды.
