A place where you need to follow for what happening in world cup

«Таза жүрек» акциясы Тамды ауылдық округінде

0 136

Ағымдағы жылдың 13 қарашасы күні сағат 14:00-де, облысымызда бастау алған «Таза жүрек» акциясы аясында, жылжымалы диагностикалық кешен Талас ауданында орналасқан Тамды ауылдық округіне ат басын тіреді.

«Таза жүрек» акциясының мақсаты-елдімекендерде, оның ішінде шалғай жатқан ауыл-аймақта медициналық көмектің қол жетімділігін қамтамасыз ету, мобильді жылжымалы кешендер арқылы ауылдық елді-мекендердегі денсаулық сақтау саласының дамуына ықпал ету.

Акция Талас аудандық орталық ауруханасы мен Тамды ауылдық округінің фельдшерлік-акушерлік пункті дәрігерлері және Талас ауданы әкімдігі ішкі саясат бөлімінің «Жастар ресурстық орталығы КММ-нің бірлесе ұйымдастыруымен өткізілді.

«Таза жүрек» акциясы барысында тұрғындарға жалпы тәжірибелі дәрігерлер, хириург, стоматолог, акушер-гинеколог, клиникалық зертханашыдан жасақталған 15 дәрігер мен еріктілер көмек көрсетті. Жалпы айтқанда, барлығы 100-ден аса ауыл тұрғыны медициналық-консультациялық көмек алды. Бұл шара қалған ауылдық округтерде, шалғай жерлерде шаруашылықпен айналысып жатқан азаматтарға да көмек көрсету мақсатында өз жалғасын табатын болады.

жауап қалдырыңыз

Your email address will not be published.