A place where you need to follow for what happening in world cup

Жамбыл облысында мақсатты пайдаланылмаған 70 мың га жер мемлекет меншігіне қайтарылды

0 102

Жамбыл облысында мақсатты пайдаланылмаған 70 мың га жер мемлекет меншігіне қайтарылды. Бұл туралы «ӨКҚ» алаңында өткен брифинг барысында облыс әкімдігінің жерлерді пайдалану және қорғалуын бақылау басқармасының басшысы Тамабек Әбілхайыр айтты.
Спикердің сөзінше, жерлерді қайтару жоспары 104%-ға орындалған. Ал, мемлекет меншігіне қайтқан 73 033 га жердің басым бөлігі жайылым жерлер. Яғни, 67 574 га жер мал өргізуге арналса, қалған 5 459-ы егістік алқаптары.
Ал, Жамбыл және Шу ауданында 23,0 мың га жуық ауыл шаруашылығы жерлері заңсыз конкурсқа шығарылған.
Жер беру бойынша Жамбыл ауданында 78, Шу ауданында 107 қаулы заңсыз қабылданған. Бүгінгі күнге Шу ауданы әкімдігі аталған бұзушылықтарды жойып, заңсыз берілген 13 474 га жер мемлекетке қайтарған. Оның 2 670 га егістік, 10 804 га жайылым жерлер саналады.
— Облыстық прокуратура 4 ауданға тексеру жүргізген. Қортындысында көлемі 14,3 мың га құрайтын жерге қатысты 34 қаулы заңсыз қабылданғандығын анықтады. Ол бойынша 12 жауапты лауазымды тұлғаға тәртіптік шаралар қолдану ұсынылған» деді спикер.

жауап қалдырыңыз

Your email address will not be published.